Беларуская музейная лабараторыя — адукацыйна-практычная прастора пры Музеі Вольнай Беларусі, якая аб’ядноўвае спецыялістаў і ўсіх зацікаўленых у стварэнні беларускіх лічбавых калекцый.

Мэты лабараторыі:

Абмен досведам беларускіх і замежных арганізацый у сферы лічбавай спадчыны;развіццё навыкаў працы з тэхналогіямі для электронных калекцый;пошук і прыцягненне рэсурсаў для лічбавізацыі;стварэнне супольнасці арганізацый і прыватных калекцыянераў.

• абмен досведам беларускіх і замежных арганізацый у сферы лічбавай спадчыны;
• развіццё навыкаў працы з тэхналогіямі для электронных калекцый;
• пошук і прыцягненне рэсурсаў для лічбавізацыі;
• стварэнне супольнасці арганізацый і прыватных калекцыянераў.

Першая сесія адбылася 29 верасня 2025 года ў Музеі Вольнай Беларусі. У праграме былі прэзентацыі беларускіх музейных ініцыятываў у Варшаве, Лондане, Вільні і электроннай бібліятэкі «Камунікат», а таксама воркшоп Ганны Мальчук-Вакулінскай «Дзе шукаць сродкі для лічбавізацыі калекцый».

Наступныя заняткі будуць прысвечаныя выкарыстанню польскіх і еўрапейскіх платформаў, а таксама агляду бясплатных і камерцыйных інструментаў для стварэння электронных калекцый.

Праект рэалізуецца пры падтрымцы Амбасады Каралеўства Нідэрландаў у Варшаве, праграмы «Лічбавая культура 2025», Міністэрства культуры і нацыянальнай спадчыны Польшчы, а таксама Фонду «Адукацыя для дэмакратыі» і Польска-Амерыканскага Фонду Свабоды.