Ужо некалькі гадоў запар Музей Вольнай Беларусі ўлетку дае магчымасць маладым мастакам і мастачкам паказаць свае працы шырокай публіцы і правесці сваю персанальную выставу.
Сёлета ў нашай прасторы Inga Wójcik – маладая польская мастачка, студэнтка пятага курса Акадэміі Выяўленчых Мастацтваў у Варшаве.
1 ліпеня а 18:00 у Музеі Вольнай Беларусі адбудзецца адкрыццё выставы «Metrum» – часткі дыпломнага праекта Ingi Wójcik.
Выстава прадстаўляе асаблівы спосаб працы мастачкі з вобразам: праз наслаенне, размыванне і сцёртасць формаў рэалістычныя матывы паступова пераходзяць у абстракцыю.
Іх асновай становяцца ўспаміны, фрагменты гарадскога ландшафту і штодзённыя назіранні.
У межах выставы будзе прадстаўлена музычная інсталяцыя «Palimpsest» – дыялог жывапісу і гуку.
Кампазітар Cyryl Jegliński стварыў музычны твор на аснове кампазіцыі карцін.
Тэхнічная рэалізацыя – Jakub Malinowski.
Музей Вольнай Беларусі
1 ліпеня, 18:00
