Выстава Аляксандра Адамава hyperMother. Shared Breathing завяршылася

Выстава Аляксандра Адамава hyperMother. Shared Breathing завяршылася. Вялікі дзякуй усім, хто быў з намі!

З 18 верасня да 4 кастрычніка выставу наведалі 1600 чалавек. Дзякуй, што прыходзілі, заставаліся, задавалі пытанні і дзяліліся ўражаннямі. Нам было вельмі прыемна бачыць у музеі і знаёмыя твары, і тых, хто завітаў упершыню.

На гэты час музей стаў часткай «санаторыя будучыні» hyperMother, дзе мы разам разважалі пра стомленасць, клопат і свабоду. Пра тое, што адбываецца, калі мы перадаём іншаму адказнасць за сябе, і дзе заканчваецца клопат і пачынаецца кантроль.

Дзякуй Аляксандру Адамаву за выставу, давер і размовы з наведвальнікамі, Зюзе шчэпаньскай за перформанс, Ганне Гаталеце за англамоўныя экскурсіі, Лізе Мас за кардынацыю выставы. Усёй камандзе музея і ўсім, хто дапамагаў рыхтаваць выставу і мерапрыемствы цягам гэтых тыдняў, вялікі дзякуй за вашу працу і ўвагу.

Асобна дзякуем нашым партнёрам: ArtPower Belarus, фундацыі Art Square і камандзе Warsaw Gallery Weekend. Дзякуй усім, хто расказваў пра выставу, запрашаў сяброў і падтрымліваў музей.

Працягваем дыхаць разам і рыхтуемся да наступнай сустрэчы. Ужо 10 кастрычніка адкрываем выставу Фёдара Кісялёва, прымеркаваную да 80-годдзя з дня яго нараджэння. Неўзабаве раскажам падрабязней.

‍