By
Музей Вольнай Беларусі запрашае на зімовы паказ праекта «Дыяфільм live» — вечар дыяфільмаў з жывой агучкай і музычным суправаджэннем.
📍 8 лютага, 18:00
📍 Музей Вольнай Беларусі, ul. Foksal 11, Warszawa
Зіма ўсё яшчэ ў разгары, і менавіта цяпер — добры момант, каб сабрацца разам у музейнай прасторы, якая захоўвае і пераасэнсоўвае культурную памяць. «Дыяфільм live» прапануе асаблівы фармат сустрэчы з казкамі — праз святло дыяпраектара, жывое слова і музыку.
У гэты вечар у зале Музея Вольнай Беларусі вас чакае:
— паказ дыяфільмаў на вялікім экране,
— жывое акцёрскае агучванне,
— музычнае суправаджэнне,
— аднаўленне «рытуальнай» атмасферы сумеснага дыяпрагляду.
Зімовая праграма складаецца з аўтарскіх і народных казак, а таксама дыяфільмаў паводле твораў беларускіх сучасных аўтараў — частка з іх ужо гучала ў папярэдніх праграмах праекта, частка будзе прадстаўлена ў новай інтэрпрэтацыі.
У праграме казкі:
— Страшная казка — І. Бурсаў, пераклад Р. Барадуліна
— Снегурочка — народная казка
— Разноцветные письма — І. Пивоварова
— Паляванне — А. Хадановіч
— Слон Хортон высиживает яйцо — Доктар Сьюз
— Авечкі — В. Гапеева
— Веселый новый год — А. Прёйсен
🔻 Колькасць месцаў абмежаваная, неабходная рэгістрацыя:
https://docs.google.com/forms/d/1FLcM04qp_IrrrZcowE0vbTCySF9RzoJXPVVvxJdOa2U/viewform?edit_requested=true
💰 Уваходны данат: ад 40 zł
⏱ Працягласць: 70–80 хвілін
👧 Рэкамендаваны ўзрост: 10+
🗣 Мова паказу: беларуская і руская
Запрашаем у Музей Вольнай Беларусі — на супольны вечар казак, святла і жывога гуку.
