8 і 9 жніўня ў Музеі Вольнай Беларусі адбудуцца куратарскія экскурсіі па выставе «2020: Гаворыць Мінск».
Падчас сустрэч мы раскажам, як музей збіраў калекцыю бел-чырвона-белых сцягоў і гісторыі, што стаяць за імі. Таксама пазнаёмім з фотаархівам гарадскога пратэстнага мастацтва, якое ў 2020 годдзе ў Мінску дакументаваў гісторык Аляксандр Груша.
Гэта магчымасць не толькі ўбачыць выставу, але і даведацца пра гісторыю яе стварэння, экспанаты і людзей, дзякуючы якім удалося захаваць гэтыя сведчанні найноўшай гісторыі Беларусі.
Музей Вольнай Беларусі
8 і 9 жніўня
Пачатак — а 12:00
