By
NO GRAVITY – відэа-трыптых з удзелам класічных танцораў на адзін з найважнейшых твораў польскай акадэмічнай музыкі XX стагоддзя — III сімфонію Генрыка Мікалая Гурэцкага. Праект створаны з выкарыстаннем інавацыйных візуальных тэхнік пад рэжысурай Пятра Яноўчыка і прадстаўлены ў форме мультысэнсорнай выставы.
У 2025 годзе Peace Research Institute паведаміў, што ў выніку паглыблення вайсковага крызісу свет апынуўся ў стане найвышэйшай напружанасці з часоў заканчэння Другой Сусветнай вайны. У выніку пачалося масавае перамяшчэнне людзей, якія пакідалі небяспечныя рэгіёны. Паводле дадзеных Global Trends, ужо 80 мільёнаў чалавек у свеце былі вымушаныя пакінуць свае дамы. Большасць з тых, хто гэта перажыў, апісваюць гэты стан як адчуванне, што "свет, з якога яны ўцяклі, больш не існуе, месца, куды яны хочуць дабрацца, няпэўнае, а самі яны — у безвагавым стане дзесьці паміж…"
Праект NO GRAVITY — гэта сімвалічная спроба апісаць гэты стан. Гэта голас творцаў, якія стаяць на баку людзей з рэгіёнаў, дзе пануе небяспека, асабліва мастакоў, што былі вымушаныя пакінуць сваю краіну, каб мець магчымасць працягваць тварыць. У праекце ўдзельнічаюць стваральнікі новых медыя, кіна, відэа-мастакі і прафесійныя балетныя танцоры. І менавіта балетны скачок стаў сімвалічнай метафарай намаганняў у пошуку новага, бяспечнага месца.
Відэапраект NO GRAVITY разам з дакументальнымі сведчаннямі мастакоў, якія пакінулі сваю радзіму і знайшлі новае жыццё ў іншай краіне, мае глыбока актуальнае гучанне ў зменлівым ландшафце трэцяга дзесяцігоддзя XXI стагоддзя і безумоўна будзе цікавы беларускаму гледачу.
Рэжысура і творчая канцэпцыя: Piotr JANOWCZYK
Харэаграфія: Joanna DRABIK
Музыка: Henryk Mikołaj GÓRECKI
Аператар-пастаноўшчык: Mateusz SZELC
