Музей Вольнай Беларусі ўжо трэці год запар абвяшчае адкрыты набор творчых, культурніцкіх і адукацыйных праектаў, якія могуць быць рэалізаваныя на музейнай пляцоўцы ў Варшаве ў 2026 годзе.
Мы адкрытыя да новых ідэй, фарматаў і тэм, якія спрыяюць развіццю беларускай культуры, гістарычнай памяці, адукацыі і грамадскага дыялогу.
ХТО МОЖА ПРЫНЯЦЬ УДЗЕЛ
Да ўдзелу ў наборы запрашаюцца:
- індывідуальныя творцы і творчыя каманды;
- прадстаўнікі і прадстаўніцы культурніцкіх і адукацыйных ініцыятыў;
- грамадзянскія супольнасці і нефармальныя групы;
- мастакі, фатографы, пісьменнікі, даследчыкі, куратары;
- усе, хто мае ідэю творчага, адукацыйнага або грамадскага праекта і гатовы падзяліцца ёю ў прасторы музея.
Мы разглядаем заяўкі на:
- выставы і арт-праекты;
- літаратурныя клубы і сустрэчы;
- дыскусійныя і адукацыйныя серыі;
- гістарычныя і міждысцыплінарныя праекты;
- доўгатэрміновыя ініцыятывы і асобныя імпрэзы.
ШТО ПРАПАНУЕ МУЗЕЙ
З боку Музея Вольнай Беларусі ўдзельнікам і ўдзельніцам адобраных праектаў прапануецца:
- шматфункцыянальная музейная прастора ў цэнтры Варшавы;
- арганізацыйная, тэхнічная і інфармацыйная падтрымка;
- пры неабходнасці – ментарская супраца на этапах падрыхтоўкі і рэалізацыі праекта.
ЯК ПАДАЦЬ ЗАЯЎКУ
Каб узяць удзел у наборы, неабходна запоўніць анлайн-заяўку (спасылка пададзеная ніжэй).
У заяўцы просім коратка апісаць:
- канцэпцыю праекта;
- яго мэты і задачы;
- меркаваныя тэрміны рэалізацыі;
- наяўнасць або адсутнасць фінансавай падтрымкі.
Каманда Музея Вольнай Беларусі разгледзіць усе прапановы і абярэ праекты ў розных напрамках.
📅 Тэрмін падачы заявак – да 10 лютага 2026 года
📩 Пытанні па ўмовах удзелу можна накіроўваць на e-mail: freebelarusmuseum@gmail.com
