Хочаце выступаць упэўнена, утрымліваць увагу аўдыторыі і лёгка адстойваць сваю пазіцыю ў дыскусіі? У чэрвені Музей Вольнай Беларусі запрашае на серыю коўч-трэнінгаў па публічных выступах ад Аляксея Бурносенкі - трэнера з 25-гадовым досведам, сертыфікаванага коўча і прафесійнага бізнес-трэнера.
Аляксей працаваў тэатральным рэжысёрам і выкладчыкам акцёрскага майстэрства, трэніраваў спікераў TEDx у Беларусі і Варшаве, рыхтаваў незалежных кандыдатаў да парламенцкай кампаніі 2019 года, а ў 2020 годзе - Святлану Ціханоўскую.
Праграма трэнінгаў:
5 чэрвеня, 18:00: «Майстэрства прамовы»
Як будаваць выступ, утрымліваць увагу слухачоў і даносіць свае ідэі пераканаўча.
12 чэрвеня, 18:00: «Мова цела публічнага спікера»
Пра жэсты, позу, голас і тое, як невербальная камунікацыя ўплывае на ўспрыманне вашых слоў.
19 чэрвеня, 18:00: «Чорная рыторыка і абарона ад маніпуляцый»
Як распазнаваць маніпулятыўныя прыёмы і ўпэўнена рэагаваць у складаных размовах і дыскусіях.
📍 Музей Вольнай Беларусі, Warszawa, Foksal 11/1
Пажаданы данат: 30 zł за занятак.
Запрашаем усіх, хто хоча развіваць навыкі камунікацыі, публічных выступаў і ўпэўненай самапрэзентацыі.
