У Варшаве Музей Вольнай Беларусі правядзе міжнародную навукова-практычную канферэнцыю, прысвечаную музейным практыкам працы з цяжкай гістарычнай спадчынай. Імпрэза адбудзецца 8 і 9 кастрычніка.
Распавядае дырэктарка ўстановы Наталля Задзяркоўская:
-Беларусь зараз знаходзіцца ў глыбокім палітычным крызісе, які ўплывае літаральна на ўсе сферы і ў тым ліку на працэсы, метады, саму магчымасць інтэрпрэтацыі мінулага. Мы ў гэтых абставінах усё роўна верым у дэмакратычную Беларусь і ў тое, што такая магчымасць з’явіцца. І ў гэтай дэмакратычнай Беларусі абавязкова спатрэбяцца і асэнсаванне таталітарнага рэжыму, таго, што адбывалася і адбываецца сёння. І не проста гістарычнае асэнсаванне, а таксама музейная інтэрпрэтацыя гэтага перыяду.
Зарэгістравацца на падзею можна да 27 верасня.
Цалкам гутарка:
https://racyja.com/by/kultura/paslja-tatalitaryzmu-muzej-pamjac-i-belaruskaja-perspektyva-2/
Беларускае Радыё Рацыя
