Pl
Ужо 10 ліпеня распачнецца III выданне Летняга Кінаагляду «Пад Агульным Небам», які працягнецца да 4 верасня. На працягу 9 тыдняў, кожную сераду а 20:00, на дваранным дворыку Мастацкай Камяніцы па вуліцы Фокcал 11 у Варшаве можна будзе паглядзець унікальныя кінастужкі з Украіны, Беларусі, Грузіі, В’етнама і Індыі. Арганізатарам Кінаагляду з’яўляецца Цэнтр думкі Яна Паўла II. Уваход на ўсе паказі свабодны.
Кінаагляд «Пад Агульным Небам» – гэта не толькі прэзентацыя кіно з розных куткоў свету, але перадусім магчымасць сустрэчы і дыялогу. Цэнтр думкі Яна Паўла II зноў адкрывае прастору, дзе варшаўцы і мігранты змогуць разам пазнаваць іншыя культуры, ламаць стэрэатыпы і будаваць паразуменне праз мяжы. Кожнаму паказу будуць суправаджаць размовы з запрошанымі гасцямі – аўтарамі фільмаў, экспертамі, журналістамі і падарожнікамі. На адкрыццё 10 ліпеня тэматыку Украіны прадставіць гледачам Лукаш Адамскі – эксперт па Усходняй Еўропе і публіцыст.
У гэтым годзе ў праграме ўпершыню з’явяцца фільмы з В’етнама. Мы падрыхтавалі два вечары кіно, якія дазволяць гледачам бліжэй пазнаёміцца з гэтай краінай, – адзначае Мацей Тома, каардынатар III Летняга Кінаагляду «Пад Агульным Небам». – Мы рады, што такім чынам ствараем прастору для інтэграцыі яшчэ адной варшаўскай меншасці, якая прысутнічае ў нашым горадзе шмат гадоў. Мы верым, што кіно мае сілу будаваць масты. Яно дазваляе хоць на момант выйсці за межы сваёй перспектывы і ўбачыць свет вачыма іншага чалавека, нават калі нас раздзяляюць тысячы кіламетраў і зусім розныя жыццёвыя досведы.
У праграме гэтага года – 15 старанна адабраных назваў: узнагароджаныя на найважнейшых фестывалях гульнявыя і дакументальныя фільмы, а таксама камерныя кароткаметражныя працы маладых аўтараў. Гледачы змогуць убачыць, сярод іншага, хвалюючыя «Ты мяне любіш?» з Украіны, «Унутраную зіму» з Індыі, далікатны партрэт в’етнамскіх мігрантаў «Уздоўж берага» Акіё Фудзімота ці пранізлівы дакументальны фільм «Mара. Беларускі сон» Сашы Кулака. Не абыдуцца без найноўшых фільмаў з глыбокім сацыяльным зместам, такіх як «Чорная варона, чорная азалія» грузінскай рэжысёркі Элены Наверыяні, «У жоўтым каўчуку» Т’ена Ана Фама з В’етнама ці візуальна ўражлівы індыйскі фільм «Узмоцнены» рэж. Даміна Сангмы.
Апошні вечар Кінаагляду будзе прысвечаны фільмам Вайда Скул, у тым ліку дакументальнай стужцы «Раіса» Доры Мігас-Мазур, дзе галоўная гераіня – чачэнка, якая вымушана ўцякаць з роднай краіны, каб змагацца за сябе і дзяцей. 28 жніўня будуць паказаны найлепшыя кароткаметражкі з Фестывалю Беларускага кіно BulbaMovie.
Уваход на ўсе паказі свабодны.
Цэнтр думкі Яна Паўла II запрашае разам адкрываць кіно, якое аб’ядноўвае, і ствараць прастору бяспечнага, творчага міжкультурнага дыялогу.
Арыгiнал артыкула: filmweb.pl
Таксама аб гэтым пiсалi: centrumjp2.pl
